دله گیان دیسان به رزه ن کروزه ت

دله گیان دیسان به رزه ن کروزه ت

ئه ی جه رگ هه م گرته ن عاله م پروزه ت

ره زاو خودایه ن په یم نمه کریو ده نگ

قالی سه روه زه ن که رده ناش دل ته نگ

میدانو پاوه ی هه تا نه مامه

گول گوله ن وینه ی مازی شه مامه

هاوار جه پرمه ی گره وه ی سه رچالان

ئامان جه وه شی ویه رده ی سالان

یاران بدیه یدی په ی هانه خماری

هه لسیش یاواینی چه مه و بیاری

شی حه سه ن ماته ن په شیوه ن گارا

ئیسالیچ گولان شادیش نه ویارا

چون چه مه ی شیلماو دیده م لیلاوه ن

په ی جوانه مه رگیت سورم سیاوه ن

با راو گالانان بشیویوش وه نه

چون پای سه یرانت بریانش چه نه

با سورهه راله و بوژانه وبه هه ک

ته نافی حه سره ت بدوشان شه ته ک

چه نی چوزه کله ی سوسه ن و چنور

یانه ی وه شحالی بکه ران خاپور

با قه قله بازی هورنیزو جه خاک

کزی وبی نازی که رده نشان هیلاک

بی شک ئی ده گا که رده نش عاده ت

په ی کوچوجوانان بریوش ئیسراحه ت

با لاری گه ردون هه ر نه بریووه

هه لسه و خانه گای وشکه نه بووه