شه وگاری دریژ(یـــه لـــــدا)

ئیشه وشادییه ن ئامــانوزمســـــــــــــان               فه سلی  فه نـاوفـه وت  سه ردانو د یسان

خه لک دان ته داره ک تولانی شــه وه ن             سه ران گیج ومات چه م مه سی خه وه ن

چیش  بیه ن وه ی ته ورمه ویاران وه شی           شه وکیشان به سـه ردی وشـــــاران  ره شی

سه ره م سربیــه ن  چی ده نگ وبا ســـــه            مه که ران  جــه بــه د تـاریف به  خا ســه

دونیا ش گردکه رده ن به ســه ردائه سیر             که شوکووساراش که رده ن  زمهـــه ریر

وه ختی ناخــه وه ر هه یبه ت مه نمــانو              ره شه وای به د خو وه عــــه رز مه شــانو

داران  گرد که رده ن ته مام ره شورووت             نه سای حکمتش گیان داران بی قــــوت

نیشته ن وه روی ته خت چون زوحاکی دون           وه لاتش که رده ن ئه سیــــروزه بـــون

نیه نش ته ره حم  به گـــــه داو ده رویش              یه کسه رمــــه رانو حکم رانی ویــــش

وه ئاسانه ی خه یر  سه رخه م نه که رده ن           روح ســه فا وسه یر وه تاراج بــه رده ن

هه رجا  پابنیو مه نیشـــو وه لـــــــه رز                 مه شووه یادش که رده ی  کـاری فــه رز

توخودا په ی وه رزی ئینــــه کارش بو                  جه وه ره ی ســه ردا کـــول وبـــارش بو

که ی لایه ق وه جه ژ ن شادی وسروره ن              ئینه جـــه ره ســــــم عــــــاقلان دوره ن

به لام بزانه زمســـــانی به د خـــــــــو                    وه شی ته داره ک نه ویه ن  پــه ره ی تو

سروورده س مایه ن په ی تالانی خـــه م                 بیه ن په ی زامان بــه وینه ی مه لهـــــه م

هه رچه ند سه ر سامی  بوزی نــه یانان                 بیــاویره فـــــه رشی فــــه نا  ســــه ربانان

ئه رسه دجاربه د ته رکریوه بنمـــــانی                   تومی جه فا وجـــــه ورنــــه دل بشـــــانی

پوشی وه  عاله م خه لاتانی مـــه رگ                    هوی سه فا وسه یران دلان کـــه روته رک

ئا رونه ووه هــــــاربه یــووه شـــونت                    مـــه وزو نه ئایـــــر قـه والـــه ی کـــونت

ئـایـــرنــه وروزتیـن مــه وزونــــه دل                    وه هار سه فا وســــه یر مه شـا نووه گـــل

سه وزمه وو تومه ی موبه ت ووه فـــا                  وشک مه ووریشه ی  بی مــــه یلی وجــه فا

ئارومه گیرم جه ژنانه ی فــــــه وتت                     مه مـاریوقــه لای نایاســای چــــه وتــــت

مسته فاره حیمی۱/۱۰/۸۷