مانـتــوی ته سکـوله /کاک موسته فا ره حیمی

  هــه ی داد ئـازیـزان ئـیـنـه چـه دابـه ن
شـارم شـون کـه وتـه ی داب نابابـه ن

بـاس جـه حیجـاب شپـرزه وبی شــون
مـانتـو ورووسـه ری بی تـان وبی پون

مـانتـوی تـه سـکـولـه بیـه ن بالاپوش
سه یرئه حوالش دل که رده ن په روش

گجی وفـه قیـانه بـا وش نـه مــه نـــه ن
مانتو فاتیحه ی کوا وسه لته ش وه نـه ن

کـولــوا تـه رپـوشی بـالای کـورده ژه ن
بـالاش بـه وینــه ی شیـرینی ئه رمه ن

بیـه ن وینـــه ی قــالاو گیـلانـه ره شی
چـوون بـاقـی مـه لان نمه که رو وه شینـه هـه وری ولــه چـه ک نـه سخمـه وکوا
بـاوشـــان نـه مـه نـه نـامیـشــان لـــــــوا

بـه نـامـی حیـجـاب بــه لام نــاتــه مــــا م
دووره ن جه شیـوه ی به رنامه ی ئیسلام

مــانتـوی تـه سـکــولـه ئیسـه بیـــه ن بـا و
شـه ئنی کـورده ژه ن کـه رده نـش خـــــرا و

حـه یفـه ن پـه ی بـه ژن نـه شمیـل و نازار
پـی دخـت وشـیــــوه بـه یــــووه بـــــازار

بـه رگ هــه ورامی مـه شهــورعــامــه ن
لایـه ق بـه بـالای ســه ول خــه رامـــه ن

چی مـه وونـه ووش ره ونـه ق جه بازار
غــه ریبـیـش عـه جـه ب دل مه دو ئازار

مـــه واچتـی فــلانی کــونه پـه ره ستــه ن
مـاقـوولی شیـوه ی پوشـاک مـه بـه ستـه ن

بـه یـدی بـاپیــوه یه ک ویـر یه ک مـه رام
بورازمی بـه رگی پـه سـه نـد بـو نـه عـــام